O PSOE gaña as eleccións pero terá que recurrir aos pactos. O Partido Socialista Obreiro Español logrou a vitoria nas eleccións xerais cun total de 169 escanos que non lle proporcionan, sen embargo, maioría absoluta. José Luis Rodríguez Zapatero, polo tanto, necesitará de novo apoios para ser investido presidente. O PP, pola súa parte, creceu tanto en número de votos como de deputados –ten agora 154– e entrambas formacións conseguiron acaparar máis de 83% do total de sufraxios merced ao trasvase de votos, sobre todo, procedentes dos partidos nacionalistas. Os grandes perdedores desta xornada electoral foron, sen embargo, Esquerda Unida, que pasou a ter só dous representantes no Congreso –agora é a sexta forza política no hemiciclo– e Esquerra Republicana de Cataluña, que veu cómo o número dos seus deputados pasaba de oito a tres.
