17 de xaneiro de 2021

Restringido   Contacto  Engador a Favoritos

Inicio

AGRUPACIÓN SOCIALISTA DE NARÓN

 


Home / Histórico / Ano 2011 / Aprobada á proposta dos socialistas de N

Ano 2011

Aprobada á proposta dos socialistas de Narón para o Monumento ás Víctimas do terrorismo

03/02/2011

 

O conxunto escultórico emprazarase entre a rúa Santa Tecla e a nova zona residencial da promotora Epaat.


A comisión de Actividade Social do Concello de Narón, reunida esta mañá de xeito informal, acordou aprobar por unanimidade a ubicación no Alto do Castiñeiro do novo Monumento ás Vítimas do Terrorismo. Concretamente, o novo conxunto escultórico emprazarase na coñecida como Praza de Tranvías, entre a rúa Santa Tecla e a nova área residencial promovida pola inmobiliaria Epaat.

 

A comisión de Actividade Social do Concello de Narón, reunida esta mañá de xeito informal, acordou aprobar por unanimidade a ubicación no Alto do Castiñeiro do novo Monumento ás Vítimas do Terrorismo. Concretamente, o novo conxunto escultórico emprazarase na coñecida como Praza de Tranvías, entre a rúa Santa Tecla e a nova área residencial promovida pola inmobiliaria Epaat.


Segundo subliñou a voceira do grupo municipal do PsdeG-PSOE no consistorio naronés, Catalina García Blanco, a proposta, presentada polos socialistas, impúxose á que inicialmente avalaba o grupo de Terra Galega. O partido que asume en solitario as tarefas de goberno suxeriu inicialmente a súa instalación nas proximidades da área infantil do parque fluvial do río Freixeiro. Non obstante, a súa iniciativa foi retirada.


Con esta proposta, García Blanco considerou que, ademais de render homenaxe ás vítimas do terrorismo, “dignifícase a zona”, que definiu como “unha das entradas ao casco urbano con máis tráfico peonil e rodado”. Ao mesmo tempo, lembrou que esa contorna vai incorporar aínda máis poboación nos vindeiros anos.


A realización dunha homenaxe a todos aqueles que se viron afectados pola barbarie terrorista parte dunha proposta aprobada no ano 2008 no Concello. Iso si, houbo que agardar ao pasado mes de febreiro para concretar a idea nunha comisión informativa, que trasladou á xornada de hoxe a súa aprobación definitiva.

 

 

 

 

 

PSdeG-PSOE , Rúa Cristóbal Colón, nº25 baixo 15570 Narón (A Coruña) Tfno./Fax: 981387609
E-mail: naron@psdeg-psoe.org
Configuración óptima 1024*768 / IE, Nestcape 4.0 ó superiores y Opera